“თბილისი არენას” ოთარ ქორქიას და ნოდარ ჯორჯიკიას სახელი მიენიჭა

ველასთვის კარგად ცნობილ “თბილისი არენას”, რომელიც წლების განმავლობაში მასპინძლობს საქართველოს უმნიშვნელოვანეს საკალათბურთო და სპორტულ ღონისძიებებს, ოფიციალურად მიენიჭა ორი ლეგენდარული ქართველი კალათბურთელის – ოთარ ქორქიასა და ნოდარ ჯორჯიკიას სახელი.
სიმბოლურ ცერემონიაზე, დარბაზი ამ ორი ქართველი ლეგენდის შვილებმა, ნოდარ ქორქიამ და კოკა ჯორჯიკიამ გახსნეს.
აღნიშნული გადაწყვეტილება საქართველოს კალათბურთის ეროვნული ფედერაციის ინიციატივითა და საქართველოს სპორტის სამინისტროსა და მთავრობის მხარდაჭერით განხორციელდა, რაც განსაკუთრებული მნიშვნელობისაა ქართული კალათბურთის ისტორიისთვის. ოთარ ქორქია — მრავალგზის ევროპის ჩემპიონი, ოლიმპიური ვერცხლის პრიზიორი, საბჭოთა კავშირის ჩემპიონი და თასის მფლობელი, მოგვიანებით კი ევროპის ჩემპიონთა თასის გამარჯვებული მწვრთნელის რანგში; ნოდარ ჯორჯიკია — ევროპის ჩემპიონი, მრავალგზის საბჭოთა კავშირის ჩემპიონი და თასის მფლობელი, არაერთი სახელმწიფო ჯილდოს კავალერი. ორივე მათგანი ქართული სპორტის გამორჩეული წარმომადგენელია, რომელთა ღვაწლი მნიშვნელოვანი ნაწილია ჩვენი ქვეყნის საკალათბურთო მემკვიდრეობისა.
ამიერიდან დარბაზის სახელი იქნება “ოთარ ქორქიასა და ნოდარ ჯორჯიკიას სახელობის თბილისის სპორტის სასახლე”
ლეგენდარული კალათბურთელების სახელობის დარბაზი: „თბილისი არენას“ ახალი ეპოქა იწყება
მრავალფუნქციურ კომპლექსს, რომელიც წლებია ჩვენი ქვეყნის მთავარი საკალათბურთო და სპორტული მოვლენების ეპიცენტრია, ამიერიდან ოფიციალურად „ოთარ ქორქიასა და ნოდარ ჯორჯიკიას სახელობის თბილისის სპორტის სასახლე“ ერქმევა. ორი უდიდესი ქართველი კალათბურთელის უკვდავსაყოფად გამართულ სიმბოლურ ღონისძიებაზე დარბაზი საზეიმოდ მათმა შვილებმა — ნოდარ ქორქიამ და კოკა ჯორჯიკიამ გახსნეს.
ჩვენი სპორტული მემკვიდრეობისთვის ეს უმნიშვნელოვანესი ნაბიჯი საქართველოს კალათბურთის ეროვნული ფედერაციის ინიციატივით, ასევე მთავრობისა და სპორტის სამინისტროს მყარი თანადგომით გადაიდგა. ამ გადაწყვეტილებით ქვეყანამ კიდევ ერთხელ მიაგო პატივი იმ ორ ფენომენალურ სპორტსმენს, რომელთა მიღწევებმაც საფუძველი ჩაუყარა ქართული კალათბურთის დიდებას: