აბურჯანიამ მაკარიძეს მოუგო, „მალიორკა“ ლა ლიგაში დაბრუნდა

ესპანეთის სეგუნდა დივიზიონის მე-40 ტურში „კარტახენამ“, სადაც გიორგი აბურჯანია გამოდის შინ 3:2 სძლია „ალმერიას“, რომლის კარს გიორგი მაკარიძე იცავს.

საქართველოს ეროვნული ნაკრების ორივე ფეხბურთელი სასტარტო შემადგენლობაში იყო.

ამპლუით ნახევარმცველი აბურჯანია 87-ე წუთზე შეცვალეს, ხოლო მაკარიძემ მოედანზე ორი ტაიმი გაატარა.

ამ წაგების შემდეგ, „ალმერიამ“ ლა ლიგაში პირდაპირ გადასვლის თეორიული შანსი დაკარგა და ბრძოლა პლეი-ოფში მოუწევს.

მაკარიძის გუნდის წაგების შემდეგ, ლა ლიგაში თამაში „მალიორკამ“ გაინაღდა, რომელიც დარჩენილ ორ ტურში მე-2 ადგილზე დაბლა არ დაქვეითდება. „მალიორკა“ ლა ლიგაში ერთწლიანი პაუზის შემდეგ დაბრუნდა. მანამდე, ესპანეთის უმაღლეს დივიზიონში თამაში „ესპანიოლმა“ გაინაღდა.