კვარაცხელია “სარბიელის” ვერსიით საუკეთესო მეოთხედ გახდა

საქართველოს ეროვნული ნაკრების კაპიტანი ხვიჩა კვარაცხელია “სარბიელის” ვერსიით ჩვენი ქვეყნის 2026 წლის საუკეთესო ფეხბურთელია. პსჟ-ს გარემარბმა “სარბიელის” პრიზი ზედიზედ მეორედ, ხოლო კარიერაში მეოთხედ მოიგო. ის ამ მიღწევით საქართველოს ეროვნული გუნდის ექსკაპიტანს და “მილანის” მცველ კახა კალაძეს გაუტოლდა.
საქართველოს ეროვნული ნაკრების საუკეთესო დებიუტანტი “სარბიელის” ვერსიით გრაცის “შტურმის” ნახევარმცველი გიზო მამაგეიშვილი გახდა.
ტრადიციულად “სარბიელის” გამოკითხვაში მონაწილე ჟურნალისტებმა რჩეულები პირველი, მეორე, მესამეს პრინციპით ჩამოწერეს. ქულების დარიცხვის სისტემა ძველი და მარტივი გახლდათ – პირველ ნომრად დასახელებული კანდიდატს მიენიჭა 3 ქულა, მეორეს – 2, მესამეს – 1. ქულები დაჯამდა და შედეგები, ცხადია, ამჯერადაც საჯარო გახდა.