„ნაპოლი“ ჰოილუნდს „მანჩესტერ იუნაიტედიდან“ გამოისყიდის

„ნაპოლის“ სპორტულმა დირექტორმა ჯოვანი მანამ დაადასტურა, რომ „მანჩესტერ იუნაიტედიდან“ თავდამსხმელ რასმუს ჰოილუნდს გამოისყიდიან.
„ჰოილუნდის კონტრაქტის გამოსყიდვის პუნქტი ფორმალობაა. მისი ძალიან გვჯერა, ხოლო მას ჩვენი პროექტის სჯერა. ჰოილუნდი გუნდისთის ძალიან მნიშვნელოვანია“ – იუწყება მანას ნათქვამს იტალიელი ჟურნალისტი ფაბრიციო რომანო.
22 წლის დანიელის იჯარა მიმდინარე წლის ივნისში იწურება. ის „ნაპოლის“ სეზონი წინ შეუერთდა და ყველა ტურნირში ჩატარებულ 19 მატჩში 7 გოლი გაიტანა, თან 3 საგოლე პასი გააკეთა.
„მანჩესტერ იუნაიტედმა“ ჰოილუნდი „ატალანტადან“ 2023 წლის ივლისში 64 მილიონ გირვანქა სტერლინგად იყიდა, ხოლო კიდევ 8 მილიონი ბონუსად იყო გათვალისწინებული.
ჰოილუნდი გრაცის „შტურმში“ ოთარ კიტეიშვილთან ერთად თამაშობდა და ავსტრიულმა კლუბმა 2022 წელს ბერგამოს „ატალანტაში“ 17 მილიონ ევროდ გაყიდა.
ლაშა თაბაგარი