ბირმინგემის „ასტონ ვილას“ მთავარ მწვრთნელ უნაი ემერის მიაჩნია, რომ ჩემპიონთა ლიგის 1/4-ფინალში სტუმრად პსჟ-სთან პირველი მატჩის 1:3 წაგების მიუხედავად, მის გუნდს შემდეგ ეტაპზე გასვლა შეუძლია.
„ანგარიში 2:1 ან 3:1 დაახლოებით ისაა, რასაც მატჩამდე ველოდით. დაცვაში უფრო დისციპლინირებულად უნდა გვეთამაშა. მიუხედავად იმისა, რომ 1:2 ვაგებდით, მეტოქის საჯარიმოს სამჯერ მიუვუახლოვდით. მესამე გაშვებული გოლი უნდა მივიღოთ ისე როგორცააა.
ამის მიუხედავად განწყობა არ იცვლება – საკუთარ მოედანზე ერთზე მეტი ბურთის სხვაობით უნდა მოვიგოთ. ჩვენი გულშემატკივრების და „ვილა პარკის“ გვჯერა. ასევე მჯერა, რომ ფეხბურთელები საპასუხო შეხვედრაში საუკეთესოდ ითამაშებენ“ – იუწყება ფრანგული მედია ესპანელი სპეციალისტის ნათქვამს.
„ასტონ ვილა“ საპასუხო შეხვედრას პსჟ-სთან 15 აპრილს ჩაატარებს.
ლაშა თაბაგარი
