“ტორპედოს” ბრაზილიელი მცველი შეუერთდა

ქუთაისის “ტორპედომ” 22 წლის ბრაზილიელი მცველი ერიკ პიმენტელი დაიმატა, რის შესახებ კლუბის პრესსამსახური იუწყება.
“22 წლის მცველი ერიკ პიმენტელი “ტორპედოს” ფეხბურთელია. ბრაზილიელმა ფეხბურთელმა სამედიცინო შემოწმება გაიარა, რის შემდეგაც კლუბთან 2-წლიანი კონტრაქტი გააფორმა. პიმენტელი “ტორპედოს” პორტუგალიური “პორტუ II”-დან შეუერთდა, სადაც ის 2023 წელს ერთ-ერთი ყველაზე პოპულარული ბრაზილიური კლუბიდან, “ვასკო და გამადან” გადავიდა”.
“მჯერა, ერთად არაერთ ტიტულს მოვიგებთ. გუნდში მყოფი ბრაზილიელები ადაპტაციაში დამეხმარებიან” -განაცხადა პიმენტელმა “ტორპედოსთან” კონტრაქტის გაფორმების შემდეგ.
ლაშა თაბაგარი