„შახტარში“ ქართველებიდან მხოლოდ აზაროვს ათამაშებენ

საქართველოს ეროვნული ნაკრების მარჯვენა მცველმა გიორგი გოჩოლეიშვილმა დონეცკის „შახტარის“ სასტარტო შემადგენლო0აში ადგილი დაკარგა და გარდა ამისა, მიმდინარე წელს უკრაინის ჩემპიონატში შეცვლაზეც არ უთამაშია. ის უკრაინის პრემიერლიგაში ბოლოს მოედანზე შარშან 8 დეკემბერს შინ „ვერესთან“ 2:0 მოგებულ მატჩში გავიდა. წელს გოჩოლეიშვილმა უკრაინულ გუნდში  ევროპა ლიგის 1/8-ფინალში მოსახვედრი პლეი-ოფის პირველ შეხვედრაში შინ „მარსელთან“ 2:2 დასრულებულ შეხვედრაში იასპარეზა.
მე-20 ტურში დონეცკელებმა კოვალიევკას „კოლოსს“ უმასპინძლა და 3:2 გაიმარჯვა. ჩვენი ეროვნული გუნდის მარცხენა მცველი ირაკლი აზაროვი შეცვლაზე 83-ე წუთზე შევიდა, ხოლო გოჩოლეიშვილი და ლუკა ლაცაბიძე განაცხადში არ იყვნენ. ამ გამარჯვების შემდეგ მოქმედი ჩემპიონი „შახტარმა“ 40 ქულით 16-გუნდიან ჩემპიონატში პირველ ადგილზე გადაინაცვლა.
ლაშა თაბაგარი