ჯიღაურმა აზიის ჩემპიონთა ლიგაში ისევ მოიგო, გველესიანმა შეცვლაზე ითამაშა

უზბეკეთის „ნასაფმა“, რომელშიც ჯაბა ჯიღაური გამოდის, აზიის ჩემპიონტა ლიგის ჯგუფურ ეტაპზე ზედიზედ მეორე შეხვედრა მოიგო.
ქალაქ ქარშიში გამართულ შეხვედრაში „ნასაფმა“ კატარის „ალ სადს“ 3:1 სძლია. საქართველოს ეროვნული ნაკრების ნახევარმცველი მასპინძლების სასტარტო სემადგენლობაში არ იყო და თამაშში 66-ე წუთზე ჩაერთო, როდესაც მისი გუნდი 3:0 იგებდა. „ნასაფი“ 6 ქულით B ჯგუფში ლიდერია.
„პერსეპოლისმა“, რომლის სასტარტოში ბოლო პერიოდში გიორგი გველესიანი ვერ ხვდება, სტუმრად კატარის „ალ დუჰაილს“ 1:0 აჯობა. ქართველი მცველი ამჯერადაც თადარიგში იყო და თამაშში მსაჯის მიერ ძირითადი დროსთვის დამატებულ მე-7 წუთზე ჩაერთო. „პერსეპოლისი“ E ჯგუფში 3 ქულით მეორეა.
ლაშა თაბაგარი