ჩაკვეტაძის ქულა უხვგოლიან დაპირისპირებაში

„უოტფორდმა“, რომლის ღირსებას საბა ლობჟანიძე იცავს, ინგლისის ჩემპიონშიფში ზედოზედ ორი მატჩის წაგების შემდეგ, ქულა სტუმრად აიღო.
უოტფორდელები „ქოვენთრის“ ესტუმრნენ და მიუხედავად იმისა, რომ შეხვედრას სამჯერ იგებდნენ, საბოლოოდ სახლში 3 ქულით ვერ დაბრუნდნენ – 3:3.
საქართველოს ეროვნული ნაკრების შემტევი ნახევარმცველი სასტარტო შემადგენლობაში ისევ ვერ მოხვდა და თამაშში 57-ე წუთზე ჩაერთო, როდესაც მის გუნდი 2:1 იმარჯვებდა. მართალია, დაპირისპირება უხვგოლიანი აღმოჩნდა, მაგრამ ჩაკვეტაძეს თავის ანგარიშზე გოლი ან საგოლე პასი არ ჩაუწერია. აღსანიშნავია, რომ მასპინძლებმა მე-20 წუთზე პენალტი ვერ გაიტანეს.
„უპტფორდი“ 5 ქულით 24-გუნდიან ჩემპიონატში მე-18 პოზიცაზეა.
უკრაინის პრემიერლიგის მე-6 ტურში დონეცკის „შახტარი“ გასვლაზე აუტსაიდერ „მინაის“ ეთამაშა და 4:1 გაიმარჯვა. ირაკლი აზაროვმა მოედანზე ორი ტაიმი გაატარა, ხოლო გიორგი გოჩოლეიშვილი განაცხადში არ იყო, რადგან წინა ტურში წითელი ბარათი მიიღო და დისკვალიფიცირებულია. მოქმედი ჩემპიონი „შახტარი“ 14 ქულით 16-გუნდიან ჩემპიონატში ლიდერია.
ლაშა თაბაგარი