„საბურთალომ“ მზადება დაიწყო და ამხანაგურები დაგეგმა

თბილისის „საბურთალომ“ კრისტალბეთ ეროვნული ლიგაში სეზონის განახლებისთვის მზადება დაიწყო.

საბურთალოელთა ძირითად გუნდთან ერთად „საბურთალო 2“-ის 6 ფეხბურთელი – გეგი გეგუჩაძე, გიორგი კვერნაძე, ანდრია დევდარიანი, გიზი მამაგეიშვილი, ოთო მამაგეიშვილი და ზუკა რუხაძე ვარჯიშობენ.

ხვიჩა შუბითიძის გუნდმა მოსამზადებელ პერიოდში 4 ამხანაგური მატჩი დაგეგმა და 3 მეტოქე უკვე ცნობილია:

20 ივლისი | საბურთალო – „პიუნიკი“ (ერევანი, სომხეთი)

24 ივლისი | მეტოქე მალე გაირკვევა

28 ივლისი | საბურთალო – „საბაჰი“ (ბაქო, აზერბაიჯანი)

1 აგვისტო | საბურთალო – „საბაილი“ (ბაქო, აზერბაიჯანი)

სომხეთის პრემიერ ლიგაში მოსპარეზე „პიუნიკი“, ასევე აზერბაიჯანის „საბაჰი“ და „საბაილი“ თბილისში ემზადებიან.