ჰუნტელარი „შალკეს“ ისტორიაში შევიდა

კლას-იან ჰუნტელარი გელზენკირხენის „შალკეს“ ისტორიაში შევიდა.

გუშინ, გერმანიის ბუნდესლიგის 27-ე ტურში ლევერკუზენის „ბაიერმა“ თავის მოედანზე „შალკეს“ 2:1 აჯობა.

სტუმრებში ერთადეთი გოლი ჰუნტელარმა 81-ე წუთზე გაიტანა. ნიდერლანდელი 37 წლის და 234 დღის ასაკში „შალკეს“ ისტორიაში ყველაზე ასაკოვანი ფეხბურთელია, რომელსაც ბუნდესლიგაში გოლი გაუტანია.

მან, მეკარე ოლივერ რეკის მიღწევა გააუმჯობესა, რომელმაც „შალკეს“ მაისურით 2002 წლის თებერვალში გოლი 36 წლის ასაკში მიითვალა.