ზამთრის სატრანსფერო ფანჯრის პერიოდში, პარიზის “პარი სენ ჟერმენი” დაცვის ცენტრის გაძლიერებას გეგმავს. აღნიშნულ ინფორმაციას calciomercato ავრცელებს.
წყაროს ცნობით, პარიზული კლუბის მთავარ მწვრთნელს, ტომას ტუხელს გუნდში “ბარსელონას” ცენტრალური მცველის, სამუელ უმტიტის დამატება სურს. მხარეებს შორის მოლაპარაკება უახლოეს პერიოდში დაიწყება.
შეგახსენებთ, სამუელ უმტიტი “ბარსელონამ” 2016 წელს “ლიონიდან” დაიმატა. 26 წლის ფრანგმა ფეხბურთელმა კატალონური კლუბის მაისური 80-ჯერ მოირგო და ორი გოლი გაიტანა.
