საკალათბურთო ჩემპიონთა ლიგის C ჯგუფში მეოთხე ტურის მატჩები გაიმართა. დაუმარცხებელ ლიდერთა დაპირისპირებაში გიორგი შერმადინის “ტენერიფემ” პრაღაში სტუმრად “ნიმბურკს” 78:68 მოუგო და ერთპიროვნული ლიდერია.
შერმადინი სასტარტო ხუთეულში იყო, მან 22 წუთში 15 ქულა, 3 მოხსნა და 2 ჩაჭრა მოაგროვა. გიომ 12-დან 6 ორქულიანი და ხუთიდან 3 საჯარიმო ჩააგდო.
შერმადინის გუნდმა ჩემპიონთა ლიგაზე ზედიზედ მე-15 მატჩი მოიგო სტუმრად! “ნიმბურკს” კი 37-მატჩიანი მოგებათა სერია შეუწყდა – თებერვლის შემდეგ ჩეხური გუნდი მხოლოდ იგებდა.
