„დილა“ ლუქსემბურგიდან გამარჯვებული ბრუნდება

გორის „დილამ“ კონფერენს ლიგაში წარმატებული სტარტი აიღო. იტალიელი დიეგო ლონგოს გაწვრთნილები პირველ საკვალიფიკაციო ეტაპზე სტუმრად ლუქსემბურგის „რასინგს“ დაუპირისპირდნენ და მინიმალური სხვაობით გაიმარჯვეს.
უგოლო პირველი ტაიმის შემდეგ, მასპინძლებიდან ანგარიში 52-ე წუთზე შტოლცმა გახსნა. მე-60 წუთზე ნახევარმცველმა ალექსანდე ანდრონიკაშვილმა დაახლოებით 26-27 მეტრიდან საჯარიმო დარტყმა შეასრულა და საპასუხო ბურთი გაიტანა. 78-ე წუთზე ოთარ ფარულავამ კუთხური ჩააწოდა და განელმა შუახაზელმა სირილ ედუძიმ თავით გაიტანა – 1:2.
„დილა“ საპასუხო შეხვედრას 17 ივლისს გორში თენგიზ ბურჯანაძის სახელობის სტადიონზე ჩაატარებს.
„რასინგ უნიონი“ (ლუქსემბურგი) – „დილა“ (გორი) 1:1
10 ივლისი. ლუქსემბურგი. „სტად აჰილ ჰომერეი“.
„რასინგ უნიონი“: რუფიე, სოუ, მაბანზა, კადა, ლესქოუ, შტოლცი, ფრეირე, იკენე(კ) (მონგე, 74), გომეში (საბანი, 80), აზონგი (დაუდი, 68), მაზიე.
მთავარი მწვრთნელი: იანიკ კაკოკო.
„დილა“: კერესელიძე, კიკაბიძე (ჩაბრაძე, 65), ეტოუ (კ), ჟოაუ არაუჟო, რუხაძე, ფარულავა (ტიბუე, 89), ანდრონიკაშვილი (კობახიძე, 89), კონტე, დრამე (ედუძი, 65), ბასინგა, შეყილაძე.
მთავარი მწვრთნელი: დიეგო ლონგო.
გოლები: 1:0 შტოლცი (52), 1:1 ანდრონიკაშვილი (60), 1:2 ედუძი (78)
გაფრთხილება: დრამე (33), ჟოაუ არაუჟო (51), ანდრონიკაშვილი (52)
მთავარი მსაჯი: ს.გალია (გიბრალტარი)
ლაშა თაბაგარი