აზაროვის და გოჩოლეიშვილის „ოქროს დუბლი“ უკრაინაში

დონეცკის „შახტარმა“, რომელშიც საქართველოს ნაკრების ფეხბურთელები ირაკლი აზაროვი და გიორგი გოჩოლეიშვილი გამოდიან, უკრაინაში „ოქროს დუბლი“ გაიფორმა.
ჩემპიონატის ნაადრევად მოგების შემდეგ, უკრაინის თასის ფინალში დონეცკელებმა პოლტავის „ვორსკლა“ 2:1 დაამარცხეს. აზაროვმა შეუცვლელად ითამაშა და მე-40 წუთზე მისი გადაცემის შემდეგ, სიკანმა ანგარიში გახსნა, 56-ე წუთზე მეტოქის კარი კონოპლიამ აიღო, ხოლო „ვორსკლადან“ ერთადერთი გოლი გორის „დილას“ ექსფორვარდმა კოვტალიუკმა მიითვალა.
გოჩოლეიშვილი, რომლისთვის უკრაინაში ზედიზედ მეორე „ოქროს დუბლი“ განაცხადში იყო და არ უთამაშია.
ლაშა თაბაგარი