„ბეტისმა“ კონგოს ნაკრების ფორვარდი შეიძინა

სევილიას „ბეტისმა“ თურქეთის „გალათასარაიდან“ თავდამსხმელი სედრიკ ბაკამბუ შეიძინა. კონგოს დემოკრატიული რესპუბლიკის 32 წლის თავდამსხმელმა ესპანურ კლუბთან კონტრაქტი 2026 წლის ზაფხულამდე გააფორმა.
ბაკამბუსთვის ლა ლიგაში თამაში უცხო არაა, რადგან 2015-2018 წლებში „ვილიარეალში“ გამოდიოდა, სადაც ჩატარებულ 75 მატჩში 31 გოლი გაიტანა და 5 საგოლე პასი გააკეთა.
მიმდინარე სეზონში მან „გალათასარაის“ მაისურით ყველა ტურნირში 16-ჯერ ითამაშა და 2 გოლის გარდა, ერთი საგოლე პასი მიითვალა. ბაკამბუმ კოტდივუარში მიმდინარე აფრიკის თასზე ჩატარებულ 4 შეხვედრაში თავის ანგარიშზე ერთი საგოლე გადააცემა ჩაიწერა. ტურნირის 1/4-ფინალში კონგოს დემოკრატიული რესპუბლიკა დღეს გვინეას დაუპირისპირდება.
ლაშა თაბაგარი