მიქაუტაძის „ვილიარეალის“ ცუდი სტარტი

„ვილიარეალმა“, რომლის ღირსებას გიორგი მიქაუტაძე იცავს, მიმდინარე სეზონში ცუდი სტარტი აიღო. ზაფხულში მარსელინო ტორალის ნაცვლად გუნდის მთავარ მწვრთნელად მისული ინიგო პერესის ხელმძღვანელობით, გუნდმა ესპანეთის ლა ლიგაშ ვერცერთი თამაში მოიგო.
მე-4 ტურში „ვილიარელმა“ წელს ელიტაში დაბრუნებული „დეპორტივო“ მიიღო და 2:3 დამარცხდა. საქართველოს ეროვნული ნაკრების თავდამსხმელი სასტარტო შემადგენლობაში არ იყო და თამაშში 62-ე წუთზე ჩაერთო. მას გოლის გატანის შანსი არ ჰქონია.
შეხვედრის მე-19 წუთზე ანგარიში ნიკოლა პეპემ გახსნა, ხოლო 43-ე წუთზე კრუს ლუისმიმ საპასუხო ბურთი გაიტანა. 76-ე წუთზე სტუმართა თავდამსხმელმა ადამა ტრაორემ ბურთი საკუთარ კარში ჩაჭრა. 79-ე წუთზე „დეპორტივოდან“ თავი ედაშურიმ გამოიჩინა, ხოლო 88-ე წუთზე „ვილიარეალის“ კარი ობამეიანგმა აიღო. „ვილიარეალი“ 2 ქულით 20-გუნდიან ჩემპიონატში მე-16 ადგილზეა.
ლაშა თაბაგარი