კიტეიშვილის და მამაგეიშვილის „შტურმის“ მეტოქეები ევროპა ლიგაში გაირკვა

დღეს, საფრანგეთის ქალაქ მონაკოში გამართული ევროპა ლიგის ფაზის კენჭისყრის შემდეგ, გაირკვა ავსტრიის გრაცის „შტურმის“ მეტოქეები, რომელშიც ოთარ კიტეიშვილი და გიზო მამაგეიშვილი გამოდიან.
გრაცელების მოწინააღმდეგეთა ჩამონათვალი ასეთია: “მარსელი”, “ალკმაარი”, “რენი”, „დინამო” (ზაგრები), “ცელიე”, “ბორნმუთი”, ოფი, “ჰოფენჰაიმი”.
36 გუნდს ერთიანი სატურნირო ცხრილი ექნება, თუმცა ყველა ერთმანეთს არ შეხვდება. იქნება სულ რვა ტური, თითოეულ გუნდს მოუწევს 8 მეტოქესთან თამაში, საიდანაც 4 შეხვედრას შინ გამართავს, ოთხსაც სტუმრად. თუ მანამდე ჯგუფში გუნდები ერთმანეთს შინ და სტუმრად ხვდებოდნენ, ამჯერად ასეთ რამ არ იქნება.
8 ტურის შემდეგ სატურნირო ცხრილში 8 საუკეთესო გუნდი პირდაპირ მოიპოვებს მერვედფინალის საგზურს, ხოლო 25-დან 36-ე ადგილზე გასული გუნდები ევროტურნირებს დაემშვიდობებიან და კონფერენს ლიგაზე ვერ გადავლენ.
მე-9-დან 24-ე ადგილზე გასული გუნდები პლეი-ოფში გავლენ, სადაც ორრაუნდიან შეხვედრაში იბრძოლებენ მერვედფინალის საგზურისთვის. მე-9-დან მე-16 ადგილზე გასული გუნდები წილისყრისას განთესილები იქნებიან (ხოლო დანარჩენები განუთესავები), რის გამოც პლეი-ოფის ორრაუნდიან ბრძოლაში პირველ მატჩს შინ ჩაატარებენ.
ევროპა ლიგა სტარტს 16-17 სექტემბერს აიღებს, ხოლო ფინალი 2027 წლის 26 მაისს გერმანიის ქალაქ ფრანკფურტში ჩატარდება.
ლაშა თაბაგარი