საქართველოს საკალათბურთო სუპერლიგის 2025-2026 წლების რეგულარული ჩემპიონატი 19 აპრილს დასრულდა. ყველაზე პრესტიჟული ინდივიდუალური ჯილდო — რეგულარული ჩემპიონატის საუკეთესო მოთამაშის (MVP) ტიტული — დამსახურებულად გადაეცა თსუ-ს ფორვარდს და საქართველოს ეროვნული ნაკრების წევრს, ალექსანდრე ფევაძეს.
წლევანდელი MVP-ის გამოვლენის პროცედურა ტრადიციული, საინტერესო და გამჭვირვალე იყო. გამოკითხვაში სულ 48 ადამიანმა მიიღო მონაწილეობა, მათ შორის:
-
სუპერლიგის 11 გუნდის მთავარმა მწვრთნელებმა;
-
მატჩების მსაჯებმა და კომისრებმა;
-
კალათბურთის თემაზე მომუშავე ჟურნალისტებმა და ტელეკომენტატორებმა.
თითოეულ რესპონდენტს სამი საუკეთესო კალათბურთელი რიგითობის მიხედვით უნდა დაესახელებინა. ქულები შემდეგნაირად ნაწილდებოდა:
პირველი ადგილი — 3 ქულა;
მეორე ადგილი — 2 ქულა;
მესამე ადგილი — 1 ქულა.
საინტერესოა, რომ ალექსანდრე ფევაძე პირველ ადგილზე 11-მა გამოკითხულმა დაასახელა, თუმცა მან გამარჯვება საოცარი სტაბილურობის ხარჯზე მოიპოვა — ის ყველაზე მეტჯერ მოხვდა გამოკითხულთა სამეულებში და ჯამურად ყველაზე მეტი ქულა დააგროვა.
გთავაზობთ სპორტის ჟურნალისტთა მიერ არჩეულ სამეულებს.
