ალი ასლანი: “საქართველოს ნაკრებში თამაში ჩემი ოცნება იყო”

საქართველოს ფუტსალის ეროვნული ნაკრები ევროპის ჩემპიონატის მეორე მატჩისთვის ემზადება. 25 იანვარს, ავთანდილ ასათიანის გუნდის მეტოქე ხორვატიის ნაკრები იქნება. შეგახსენებთ, რომ ჩვენმა გუნდმა პირველი მატჩი ტურნირის ერთ-ერთ მასპინძელ ლატვიასთან 0:4 წააგო
23 იანვარს ჩვენმა გუნდმა ტურნირს მასპინძელ არენა რიგას დარბაზში ივარჯიშა.
ალი ასლანი (საქართველოს ნაკრების მეკარე): “ძალიან ვამაყობ. საქართველოს ნაკრებში თამაში ჩემთვის ოცნება იყო. ვემზადებით მეორე მატჩისთვის, ხორვატია ძალიან ძლიერი გუნდია. ვცდილობთ, შეცდომები გამოვასწოროთ და გავიმარჯვოთ, რომ ჩვენი გულშემატკიარი გავახაროთ”.
ჯგუფური ეტაპის მეორე ტურის მატჩი ხორვატიასა და საქართველოს ნაკრებებს შორის,  25 იანვარს, თბილისის დროით 16:00 საათზე დაიწყება. მატჩის პირდაპირ რეპორტაჟს საქართველოს პირველი არხი შემოგთავაზებთ.
ევრო 2026 | ფუტსალის ნაკრების შემადგენლობა:
მეკარე: თორნიკე ბუკია (ნიუ-ვიჟენ ჯორჯიანსი), ალი ასლანი (კსუ).
წინა ხაზი: გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), არჩილ სებისკვერაძე (კსუ), ირაკლი თოდუა (ნიუ-ვიჟენ ჯორჯიანსი), ვახტანგ ჯვარაშვილი (ნიუ-ვიჟენ ჯორჯიანსი), ჯანო კვარაცხელია (ფაკელი, რუსეთი), ნიკოლოზ გაბრიჩიძე (ნიუ-ვიჟენ ჯორჯიანსი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (კსუ), ჯანიკო გიორგაია (კსუ), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი).