მიქაუტაძის შეძენა „სანდერლენდს“ და „აინტრახტს“ სურთ

გიორგი მიქაუტაძის შეძენა ინგლისის პრემიერლიგის ბინადარ „სანდერლენდს“ და გერმანიის ბუნდესლიგის წარმომადგენელ ფრანკფურტის „აინტრახტს“ სურთ. ამის შესახებ Foot Mercato იუწყება.
გამომდინარე იქიდან, რომ „ლიონი“ ფინანსური პრობლემების გამოს. საფრანგეთის ლიგა 2-ში დააქვეითეს, დიდი შანსია კლუბმა საქართველოს ეროვნული ნაკრების თავდამსხმელი გაყიდოს. 24 წლის ფეხბურთელს კლუბთან კონტრაქტი 2028 წლის ივნისამდე აკავშირებს.
მიქაუტაძემ „ლიონში“ ჩატარებულ სადებიუტო სეზონში საფრანგეთის ლიგა 1-ში ნათამაშებ 33მატჩში 11 გოლი და 6 საგოლე გადაცემა მიითვალა. მან საფრანგეთის თასზე ორ თამაშში მოწინააღმდეგის კარი ორჯერ აიღო, ხოლო ევროპა ლიგაში 11-ჯერ ითამაშა და 4 გოლის გატანის გარდა, 5 საგოლე პასი შეასრულა.
ის “ლიონის” გულშემატკივრებს თვის საუკეთესო მოთამაშედ დაასახელეს – დეკემბერში და მარტში.
ლაშა თაბაგარი