ესპანური ფეხბურთის ლეგენდა „ოვიედოს“ გაწვრთნის

ლეგენდარული ესპანელი ფეხბურთელი რაული სათავეში სეგუნდა დივიზიონში მოასპარეზე „ოვიედოს“ ჩაუდგა.
ესპანეთის ეროვნული ნაკრებისა და მადრიდის „რეალის“ ყოფილმა თავდამსხმელმა კლუბთან კონტრაქტი 2028 წლის ზაფხულამდე გააფორმა. რაულმა 1994-2010 წლებში „რეალის“ შემადგენლობაში ყველა ტურნირში 741 მატჩი ჩაატარა და 323 გოლი გაიტანა. მან მადრიდელებთან ერთად ესპანეთის ლა ლიგა 6-ჯერ, ხოლო ჩემპიონთა ლიგა 3-ჯერ მოიგო.
გარდა ამისა, ის გერმანიის „შალკეში“, კატარის „ალ-სადში“ და ამერიკულ „ნიო იორკ კოსმოსში“ გამოდიოდა. საკლუბო დონეზე მან 942 შეხვედრაში 404 ბურთი შეაგდო.
ის თავისი ქვეყნის ეროვნული გუნდის ღირსებას 1996-2006 წლებში იცავდა და 102 თამაშში მეტოქეთა კარი 44-ჯერ აიღო.
49 წლის რაული მწვრთნელის რანგდში 2019-2025 წლებში „რეალის“ 18-წლამდელთა გუნდსა და „კასტილიას“ ავარჯიშებდა. „ოვიედო“ პირველი დიდი გუნდია მის კარიერაში. 13 ტურის შემდეგ, „ოვიედოს“ 21 ქულა აქვს და 22-გუნდიან სატურნირო ცხრილში მე-9 ადგილზეა.
ლაშა თაბაგარი