„ტოტენჰემიდან“ მთავარი მწვრთნელი გაუშვეს

ანგე პოსტეკოღლუ ლონდონის „ტოტენჰემის“ მთავარი მწვრთნელის თანამდებობიდან დაითხოვეს, რის შესახებ კლუბის პრესსამსახური იუწყება.
59 წლის ავსტრალიელი სპეციალისტი გუნდს 2023 წლიდან ავარჯიშებდა. გასულ სეზონში მისი ხელმძღვანელობით გუნდმა ევროპა ლიგა მოიგო – ფინალში „მანჩესტერ იუნაიტედი“ 1:0 დაამარცხა.  ლონდონელები 2008 წლის შემდეგ პირველ ჯილდოს დაეუფლნენ – მაშინ ინგლისის ლიგის თასი აიღეს.
არსებობის ისტორიაში „ტოტენჰემმა“ ევროპა ლიგა/უეფას თასი მესამედ მოიგო. მანამდე, ლონდონელებმა ამ ტურნირში 1972 და 1984 წლებში გაიმარჯვა. 1963 წელს “დეზებიანმა მამლებმა” თასების თასი მოიგეს.
2024-2025 წლების სეზონში ინგლისის პრემიერლიგაში „ტოტენჰემმა“ 20 გუნდში მე-17 ადგილი დაიკავა.
ლაშა თაბაგარი