„იბერიამ“ ყაზახეთის ჩემპიონს სძლია

თბილისის „იბერიამ“ თურქულ შეკრებაზე მორიგი ამხანაგური მატჩი ყაზახეთის მოქმედ ჩემპიონ ალმათის „ქაირათთან“ ჩაატარა, რომელშიც მცველი ლუკა გადრანი და ნახევარმცველი გიორგი ზარია გამოდიან.
კრისტალბეთ ეროვნული ლიგის გასული წლის გამარჯვებულმა მეტოქე 1:0 დაამარცხა და ერთადერთი გოლი ირაკლი სიხარულიძემ გაიტანა. „ქაირათში“ მხოლოდ ზარიამ ითამაშა, ხოლო გადრანი ტრავმირებულია.
„იბერიამ“ შეკრებაზე პირველი თამაში მოიგო. მანამდე, მანამდე, თბილისელები კოსოვოს „დრიტას“ (1:1) და „ვარდარს“ (1:1) დაუზავდნენ, ხოლო ბულგარეთის „კრუმოვგრადთან“ 0:1 დამარცხდნენ. მომდევნო სპარინგს კორღალიძის გაწვრთნილები 8 თებერვალს უკრაინის „კოლოსთან“ ჩაატარებენ.
ლაშა თაბაგარი