„ლიონს“ ფაბიო გროსო ჩაიბარებს

ფრანგული „ლიონის“ ახალი მთავარი მწვრთნელი ფაბიო გროსო იქნება, რომელიც გასულ კვირაში დათხოვნილ ლორან ბლანს შეცვლის.
იტალიელი ეროვნული ნაკრების ყოფილი მცველი „ლიონის“ ხელმძღვანელებს შეუთანხმდა და მხოლოდ კონტრაქტის გაფორმება დარჩა.
გროსო 2007-2009 წლებში „ლიონში“ გამოდიოდა და ყველა ტურნირში ჩატარებულ 78 მატჩში 2 გოლი გაუტანა, პლუს 5 საგოლე პასი გააკეთა. მან 2008-2009 წლების სეზონში საფრანგეთის ჩემპიონატი და თასი მოიგო.
45 წლის სპეციალისტი 2021-2023 წლების სეზონში „ფროზინონეს“ წვრთნიდა, რომელიც სერია A-ში გადაიყვანა, მაგრამ თანამდებობა დაატოვებინეს და მის ნაცვლად ეუსებიო დი ფრანჩესკო დანიშნეს.
მანამდე, ის იტალიის „ბარის“, „ვერონას“, „ბრეშას“ და შვეიცარიის „სიონს“ წვრთნიდა.
„ლიონმა“ 4 ტურში 1 ქულა აიღო და 18-გუნდიან ჩემპიონატში ბოლო ადგილზეა.
ლაშა თაბაგარი