„სლოვანი“ თასის ფინალშია – კანკავას გადამწყვეტი გოლი

საქართველოს ეროვნული ნაკრების ექსკაპიტანმა ჯაბა კანკავამ სლოვაკეთში ზედიზედ მეორე მატჩში გაიტანა. მან ამჯერად თავი სლოვაკეთის თასზე გამოიჩინა და თავისი გუნდს ფინალში გასვლაში დაეხმარა.
„სლოვანმა“, სადაც კანკავას გარდა კიდევ ორი ქართველი – ეროვნული გუნდის კაპიტანი გურამ კაშია და გარემარბი გიორგი ჩაკვეტაძე გამოდიან, თასის ნახევარფინალის პირველ შეხვედრაში შინ „სკალიცას: 2:1 აჯობა, ხოლო საპასუხო შეხვედრა 3:3 დასრულდა.
კანკავამ შეუცვლელად ითამაშა და ძირითადი დროსთვის დამატებულ მე-6 წუთზე ყვითელი ბარათი მიიღო, ხოლო ექსტრატაიმების მე-3 წუთზე ანგარიში თავური დაარტყმით გაათანაბრა – 3:3.
სასტარტოში მყოფი ჩაკვეტაძე 84-ე წუთზე შეცვალეს, ხოლო იმავე წუთზე თამაშში კაშია ჩაერთო.
„სკალიცა“ 33-ე წუთზე ვიასკომ დააწინაურა, ხოლო გრინმა 56-ე წუთზე ანგარიში გაათანაბრა. იმავე გრინმა 75-ე წუთზე სტუმრები წინ გაიყვანა. 79-ე წუთზე ანგარიშში სხვაობ ჰაშამ შეამცირა, ძირითადი დროსთვის დამატებულ მე-3 წუთზე კი დუბლი შეასრულა და ვინაიდან „სკალიცამ“ 3:2 მოიგო, დამატებითი დრო დაინიშნა.
სლოვაკეთის თასის ფინალი 1 მაისს გაიმართება და „სლოვანი“ თავის ყველაზე პრინციპულ მეტოქე ტრნავის „სპარტაკს“ დაუპირისპირდება.
ლაშა თაბაგარი