თბილისი ევროპის ჩემპიონატს უმასპინძლებს – საქართველოს შემადგენლობა ცნობილია

0
39

5-24 ივლისს თბილისი ევროპის 20 წლამდე ჩემპიონატს (B დივიზიონი) უმასპინძლებს და მასში მონაწილეობას სულ 19 ქვეყანა: ლბანეთი, ავსტრია, ბულგარეთი, ესტონეთი, ფინეთი, საქართველო, უნგრეთი, ისლანდია, ირლანდია, კოსოვო, ლატვია, ლუქსემბურგი, ნიდერლანდები, ჩრ. მაკედონია, რუმინეთი, სერბეთი, სლოვაკეთი, შვედეთი, შვეიცარია მიიღებს. თამაშებს, როგორც ოლიმპიური სასახლე, ასევე ახალი „თბილისი არენა“ (უნივერსიტეტის ქუჩა N15ა) უმასპინძლებს. ტურნირის მონაწილე 19 ნაკრები 5 ჯგუფშია განაწილებული. საქართველოს 20-წლამდელთა ნაკრები B ჯგუფში მოხვდა, სადაც მეტოქეებად შვედეთი, ჩრდილოეთ მაკედონია, ავსტრია და კოსოვო ჰყავს.
გათამაშების სისტემის მიხედვით თითო ჯგუფიდან პლეი-ოფში 2-2 საუკეთესო ნაკრები გავა, რომლებიც საპრიზო ადგილებისთვის ბრძოლას მეოთხედფინალიდან გააგრძელებენ, ხოლო პლეი-ოფს მიღმა დარჩენილები ტურნირის 9-19 ადგილებს გაითამაშებენ.
B დივიზიონის ჩემპიონი, ფინალში დამარცხებული გუნდი და მესამეადგილოსანი A დივიზიონის საგზურებს მოიპოვებენ და 2023 წლის ზაფხულში ელიტაში იასპარეზებენ.
საქართველოს ნაკრებმა ტურნირამდე 3 შეკრება გამართა. მილოშ გლიგორიევიჩის გაწვრთნილი ჩვენი გუნდი ჯერ რაჭაში იმყოფებოდა, სადაც ფიზმომზადება გაიარა, შემდეგ კი საბერძნეთსა და თურქეთში ჯამში 4 სპარინგ-მატჩი გამართა.
საქართველოს 20-წლამდელთა ნაკრების შემადგენლობაში 12 კალათბურთელია:
უკანა ხაზი: ლუკა ლიკლიკაძე, მათე კაპანაძე, ლევან ქვარცხავა.
ფორვარდები: ნიკოლოზ გაფრინდაშვილი, ზუკა ვაშაკიძე, მერაბ შენგელია, გუჯა ხვედელიძე, ვახტანგ გოგბერაშვილი, ვლადიმერ თავაქარაშვილი, ვლადიმერ სარალიძე.
ცენტრები: გიორგი მესხი, ნიკა რატიანი.
საქართველოს ნაკრების მთავარი მწვრთნელია მილოშ გლიგორიევიჩი, რომელსაც ასისტენტობას ჯაბა ბაქრაძე და ანდრო ანთელიძე უწევენ. გუნდის ექიმები არიან თორნიკე გოგიჩაიშვილი და ვაჟა კოტორაშვილი, ნაკრების ფიზმომზადებაზე კი ეროვნული გუნდის მწვრთნელი – ირაკლი შიოშვილი ზრუნავს. 20-წლამდელთა ნაკრების მენეჯერია შალვა ონიანი.
ჩვენი ნაკრები თამაშებს 16 ივლისს (ავსტრიასთან), 17 ივლისს(შვედეთთან), 19 ივლისს (კოსოვოსთან) და 20 ივლისს (ჩრდ. მაკედონიასთან), ერთსა და იმავე დროს – 19:00 საათზე გამართავს.