რობერტ ლევანდოვსკიმ მიუნხენის „ბაიერნის“ ლეგენდარული ფორვარდის გერდ მიულერის რეკორდი გაიმეორა.
გერმანიის ბუნდესლიგის 33-ე ტურში „ბაიერნი“ სტუმრად „ფრაიბურგს“ (2:2) დაუზავდა და ბავარიელთა შემადგენლობაში ერთი გოლი პოლონელმა ფორვარდმა გაიტანა.
32 წლის ლევანდოვსკიმ მიმდინარე სეზონში ბუნდესლიგაში მეტოქეთა კარი 40-ჯერ აიღო და მიულერის მიერ 1971-1972 წლების სეზონში ნაჩვენები მიღწევა გაიმეორა.
მან გოლის აღნიშვნის დროს მაისური აიწია და მეორე მაისური გამოაჩინა, რომელზე ეწერა: „გერდი ყოველთვის“.
