თორნიკე შენგელიამ მოსკოვის ცსკა-ში ყველაზე შედეგიანი მატჩი ჩაატარა. ქართველმა ფორვარდმა არიელებს VTB ლიგის მატჩში, ნიჟნი ნოვგოროდის წინააღმდეგ ულიდერა, რომელიც მოსკოველებმა დამაჯერებლად – 83:63 მოიგეს.
შენგელიამ 20:52 წუთში 22 ქულა, 4 მოხსნა, თითო პასი-დაფარება მიითვალა. თორნიკემ 9-დან 6 ორქულიანი, 5-დან 2 სამქულიანი და 4-დან 4 საჯარიმო ჩააგდო, მისი ეფექტურობის კოეფიციენტი კი 24 გამოვიდა, რაც ორივე გუნდში საუკეთესო მაჩვენებელი გამოდგა და მატჩის MVP გახდა.
11 მატჩიდან 9 გამარჯვებით ცსკა VTB ლიგაში მე-2 ადგილზეა. შემდეგ მატჩს აღნიშნულ ტურნირში მოსკოველები 18 იანვარს, სტუმრად სარატოვთან ჩაატარებენ.
