გასულ უქმეებზე “crystalbet ეროვნული ლიგის” პირველი წრე დასრულდა. ჩატარებული 9 ტურის შემდეგ გათამაშებას ერთპიროვნულად ქვეყნის მოქმედი ჩემპიონი „საბურთალო“ ლიდერობს.
„crystalebet ეროვნულმა ლიგამ” პირველი წრის საუკეთესოები დაასახელა.
პირველი წრის საუკეთესო მწვრთნელად საჩხერის “ჩიხურას” თავკაცი სოსო ფრუიძე აღიარეს. ფრუიძის ხელმძვანელობით საჩხერლებმა 9 მატჩში მხოლოდ 3 მოგება მოიპოვეს, 5 შეხვედრა ფრედ დასრულდა, ხოლო 1 მატჩი დათმეს.
საუკეთესო ფეხბურთელად კი ბათუმის “დინამოს” მეკარე მიხეილ ალავიძე დასახელდა, რომელმაც 5 მატჩში კარი მშრალად შეინახა და ჯამში 9 შეხვედრაში 6 გოლი გაუშვა, რაც ყველაზე დაბალი მაჩვენებელია სხვა მეკარეებს შორის.
გარდა ამისა ლიგამ პირველი წრის სიმბოლური ნაკრები შეადგინა.
აღსანიშნავია, რომ საუკეთესოებში ყველაზე მეტი წარმომადგენელი მოქმედ ჩემპიონს “საბურთალოს” ჰყავს.
