“გაგრამ” ლიდერობა დაიბრუნა

ეროვნული ლიგა 2-ის გათამაშება სანაკრებო პაუზის შემდეგ განახლდა. 29-ე ტურში
უმნიშვნელოვანესი იყო განმუხურში გამართული შეხვედრა, სადაც ზუგდიდის „დინამომ“ ლიდერს, ბოლნისის „სიონს“ უმასპინძლა. მასპინძელთა შემტევის, ვალერი ოლხოვის (57) ულამაზესი გოლი მე-80 წუთზე სტუმართა თავდამსხმელმა, გიორგი ივანიაძემ გაქვითა, მაგრამ გიგლა ბურკაძემ (84) შეხვედრის დასრულებამდე „დინამო“ ხელმეორედ დააწინაურა და ბოლნისელებს ლიდერობა დააკარგვინა.
კონკურენტი „სიონის“ მარცხით „გაგრამ“ ისარგებლა, რომელმაც აუტსაიდერი საჩხერეს „ჩიხურა“ 2:0 დაამარცხა. დუბლი თორნიკე მუმლაძემ შეასრულა, რომელიც არც ისე დიდი ხნის წინ საჩხერელთა ერთ-ერთი მნიშვნელოვანი ფიგურა იყო. ამ მოგებით „გაგრამ“ სატურნირო ცხრილში პირველი ადგილი დაიბრუნა და „სიონს“ ქულით გადაასწრო.

ა		კლუბი	თ	±	ქ
1.		გაგრა	29	41	64
2.		სიონი	29	27	63
3.		მერანი მრ	29	12	49
4.		გარეჯი	29	6	45
5.		მერანი თბ	29	8	42
6.		შევარდენი 1906	29	0	37
7.		დინამო ზგ	29	-24	35
8.		ვიტ ჯორჯია	29	-9	33
9.		რუსთავი	29	-9	30
10.		ჩიხურა	29	-52	6