არგენტინის ნაკრების კაპიტანმა ლიონელ მესიმ მსოფლიო 2026 წლის ჩემპიონატის ნახევარფინალში ინგლისთან 2:1 გამარჯვება ლეგენდარულ აწ გარდაცვლილ დიეგო მარადონას მიუძღვნა.
„დარწმუნებული ვარ, რომ დიეგო ახლა ამ მომენტით ზემოთ ტკბება. ეს გამარჯვება მისთვისაცაა. ეს დღე განსაკუთრებული იყო. ბედნიერი ვარ, რომ მას ეს სიხარული ვაჩუქე და იმედია, დიეგო იქ ისე აღნიშნავ როგორც თავად მოინდომებს, რისგან დიდ სიამოვნებას მიიღებს.
ჩვენ გაგვიმართლა, რომ დიეგოს ეპოქაში ვიცხოვრეთ. საკუთარი თავის მასთან შედარება არასოდეს მინდოდა და ვიცი, რომ ვუყვარდი. ვამჯობინებთ, რომ მეხსიერებაში ყველა საუცხოო მომენტი შევინახო, რომელიც ერთად განვიცადეთ“ – იუწყება მესის ნათქვამს არგენტინული მედია.
არგენტინა მსოფლიო ჩემპიონატის ფინალში მეშიდედ გავიდა და ბრაზილიას დაეწია. უკეთესი შედეგი მხოლოდ გერმანიას აქვს, რომელმაც ფინალში 8-ჯერ ითამაშა. არგენტინა ბრაზილიის მერე მეორე გუნდია, მუნდიალების ფინალში ზედიზედ ორჯერ გასვლა ორჯერ მოახერხა. მანამდე, არგენტინელებმა ფინალში 1986 და 1990 წლებში ითამაშეს. ბრაზილიამ ეს 1958 და 1962, ასევე 1994 და 1998 წლებში შეძლო. მესიმ მიმდინარე ტურნირზე 8 გოლი გაიტანა და 4 საგოლე პასი გააკეთა, რის წყალობით ტურნირის საუკეთესო ბომბარდირობა ფაქტობრივად გარანტირებული აქვს.
მოქმედი მსოფლიო ჩემპიონი არგენტინა ფინალში ევროპის მოქმედ ჩემპიონ ესპანეთს შეხვდება, რაც მუნდიალების ისტორიაში პირველადაა. მომავალი მატჩში კვირას 19 ივლისს ნიუ-ჯერსიში „მეტლაიფ სთედიუმზე“ გაიმართება და საქართველოს დროით 23:00 საათზე დაიწყება.
ლაშა თაბაგარი
