ფანცულაიამ თავისი გუნდის პირველ მოგებას სათავე დაუდო

გიორგი ფანცულაიამ მიმდინარე სეზონში ყაზახეთის პრემიერლიგაში თავისი მესამე გოლი გაიტანა და აქტაუს „კასპიის“ პირველ მოგებას სათავე დაუდო.
მიმდინარე კვირაში მთავარი მწვრთნელის თანამდებობიდან კახა ცხადაძის გაშვების შემდეგ „კასპიიმ“ „ოკჟეტპესს“ უმასპინძლა და 2:1 გაიმარჯვა.
ფანცულაია სასტარტო შემადგენლობაში იყო და მე-16 წუთზე ანგარიში გახსნა, როდესაც მარჯვენა ფლანგიდან თანაგუნდელის ჩაწოდების შემდეგ თავით გაიტანა. ის ძირითადი დროსთვის დამატებულ მე-5 წუთზე შეცვალეს. მასპინძლებში ორი ტაიმი ითამაშა კიდევ ერთმა ქართველმა ლეგიონერმ ჯაბა ჯიღაურმა. „კასპიი“ 3 ქულით 14-გუნდიან ჩემპიონატში ბოლო ადგილზეა.
უნგრეთის ჩემპიონატის 27-ე ტურში „მეზიოკიოვეშდმა“ „ვაშაში“ მიიღო და 1:4 წააგო. ქართველმა მცველმა ილია ბერიაშვილმა დამარცხებულთა შემადგენლობაში შეუცვლელად ითამაშა. „მეზიოკიოვეშდი“ 32 ქულით 12-გუნდიან ჩემპიონატში მე-7 ადგილზეა.

ლაშა თაბაგარი