წყალტუბოს ,,სამგურალმა” 25 წლის განელი ლეგიონერი ელვის საკი დაიმატა. საკი ამპლუით საყრდენი ნახევარმცველია და ბოლოს ისრაელი პირველი ლიგის აფულას ,,ჰაპოელში” თამაშობდა.
სამგურალის ახალწვეულის პროფესიული კარიერა სამშობლოში კლუბ ,,ჩეტაჰში”- ში დაიწყო, საიდანაც 2017 წელს გადავიდა თურქულ ,,მალთეპესფორში”. მისი მოდევნო კლუბი იყო კვიპროსული ,,ლარნაკა”. კვიპროსიდან მალტაში გადაინაცვლა და ,,გზირა იუნაიტედსა” და ,,სენგლეა ატლერიკში” -ში ითამაშა.
2020 წლიდან ელვის საკი ისრაელის ჩემპიონატში თამაშობდა. იქ ჯერ ფეთაჰ თიკვას ,,მაკაბის” ღირსებას იცავდა, შემდეგ კი აფულას ,,აპოელში” ირიცხებოდა. ისრაელიდან კარიერა სლოვენიურ ,,პრიმორიეში” უნდა გაეგრძელებინა, თუმცა ტრანსფერი არ შედგა და საკი თავისუფალი აგენტის სტატუსით “სამგურალში” ჩაირიცხა.
