ზიდანი: „ყველა დროის საუკეთესო ბრაზილიელი რონალდოა“

ზინედინ ზიდანს მსოფლიო ყველა დროის საუკეთესო ფეხბურთელად ბრაზილიელი რონალდო მიაჩნია.
„მსოფლიო ყველა დროის საუკეთესო მოთამაშის დასახელება რომ მომიწიოს, რონალდოს ავირჩევდი ბრაზილიის ნაკრებიდან. ის რასაც მოედანზე აკეთდება დაუჯერებელია. მეტოქეს ეუბნებოდა: „ახლა ფინტს გავაკეთებ“ და აკეთებდა“ – იუწყება ESPN ლეგენდარული ფრანგის ნათქვამს, რომელსაც რონალდოსთან ერთად მადრიდის „რეალში“ არაერთი სეზონი ჩაუტარებია.
„ფენომენად“ წოდებული რონალდო კარიერის განმავლობაში „კრუზეიროში“ და „კორინთიანსში“, ნიდერლანდების პსვ-ში, ესპანეთის „ბარსელონაში“ და „რეალში“, იტალიის „ინტერში“ და „მილანში“ თამაშობდა. მან საკლუბო დონეზე ყველა ტურნირში ჩატარებულ 529 მატჩში 164 გოლი გაიტანა. რონალდომ ბრაზილიის ეროვნულ გუნდში გამართულ 105 შეხვედრაში მეტოქეთა კარი 65-ჯერ აიღო და 32 საგოლე პასი გააკეთა.
ლაშა თაბაგარი