კიტეიშვილი დაბრუნდა და „ზალცბურგთან“ მოიგო

ოთარ კიტეიშვილი, რომელმაც ბარძაყის კუნთის ტრავმის გამო სექტემბერში ეროვნულ გუნდში ვერ ითამაშა, გამოჯანმრთელდა და ავსტრიის ბუნდესლიგაში „ზალცბურგთან“ მატჩში მოედანზე შეცვლაზე შევიდა.
ავსტრიის მოქმედმა ჩემპიონმა გრაცის „შტურმმა“ სტუმრად „ზალცბურგს“ 2:0 აჯობა, ხოლო ჩვენი ეროვნული გუნდის ნახევარმცველი თამაშში 59-ე წუთზე ჩაერთო. 22-ე წუთზე „ზალცბურგი“ მოედანზე 10 ფეხბურთელით დარჩა, რადგან დიაბატემ უხეშობისთვის პირდაპირ წითელი ბარათი მიიღო. 41-ე წუთზე ანგარიში ჰორვატმა გახსნა, ხოლო 50-ე წუთზე თავი იატამ გამოიჩინა.
„შტურმი“ 12 ქულით 12-გუნდიან ჩემპიონატში მე-2 ადგილზეა და ლიდერ „რაპიდს“ 4 ქულით ჩამორჩება.
ლაშა თაბაგარი