არგენტინის ისტორიული გამარჯვება ბრაზილიასთან და მუნდიალის საგზური

არგენტინის ფეხბურთელთა ეროვნული ნაკრები სამხრეთ ამერიკიდან პირველია, რომელმაც მსოფლიო 2026 წლის ჩემპიონატის ფინალურ ეტაპზე თამაშის საგზური მოიპოვა.
ლიონელ სკალონის გაწვრთნილებმა თავისი ტრავმირებული კაპიტნის ლიონელ მესის გარეშე მე-14 ტურში ბრაზილია მიიღეს და 4:1 დაამარცხეს.
მასპინძლები მე-4 წუთზე ხულიან ალვარესმა დააწინაურა, ხოლო მე-12 წუთზე  ენცო ფერნანდესმა მასპინძლები კიდევ უფრო დააწინაურა. 26-ე წუთზე სტუმრებიდან ერთი ბურთი მატეუს კუნიამ გაქვიათ.
37-ე წუთზე არგენტინის ნაკრებიდან თავი მაკალისტერმა გამოიჩინა. 71-ე წუთზე ბრაზილიელთა კარი ჯოვანი სიმეონემ აიღო და ეს გოლი შეხვედრაში ბოლო აღმოჩნდა.
არგენტინა პირველი ნაკრებია, რომელმაც ბრაზილიას მუნდიალის შესარჩევში ორივე თამაში მოუგო. გარდა ამისა, არგენტინა პირველი გუნდია, რომელმაც მსოფლიოს 5-გზის ჩემპიონს საკვალიფიკაციო ეტაპზე ერთ თამაშში 4 გოლი გაუტანა. მანამდე, არგენტინამ ბრაზილია სამი ან მეტი ბურთის სხვაობით 1963 წლის 24 მარტს სამხრეთ ამერიკის ჩემპიონატის ჯგუფურ ეტაპზე აჯობა – 3:0.
მოქმედი მსოფლიო ჩემპიონი არგენტინა 31 ქულით 10-გუნდიან სატურნირო ცხრილში ლიდერია, ხოლო ბრაზილია 21 ქულით მეოთხეა,
ლაშა თაბაგარი