მიქაუტაძე ისევ სასტარტოს მიღმა დატოვეს

გიორგი მიქაუტაძე „ლიონის“ სასტარტო შემადგენლობაში ისევ ვერ მოხვდა. ეს გასაკვირი არაა, რადგან მისი უშუალო კონკურენტი გუნდის კაპიტანი ლაკაზეტია, რომელიც ლიონელთა უპირობო ლიდერად მიიჩნევა, რასაც თამაშიტაც ამტკიცებს.
საფრანგეთის ლიგა 1-ის მე-7 ტურში „ლიონმა“ „ნანტი“ მიიღო და 2:0 დაამარცხა. საქართველოს ეროვნული ნაკრების ფორვარდი თამაშში 83-ე წუთზე სწორედ ლაკაზეთის ნაცვლად ჩაერთო.
„ლიონი“ 22-ე წუთზე არგენტინელმა მცველმა ტალიაფიკომ დააწინაურა, ხოლო 54-ე წუთზე სტუმართა მცველმა პალოისმა ავტოგოლი მიითვალა და დარჩენილ დროში ანგარიში არ შეცვლილა. „ლიონი“ 10 ქულით 18 გუნდში მეშვიდეა.
ლაშა თაბაგარი