თორნიკე შენგელიას 13 ქულა და საშინაო მარცხი

იტალიის სერია A-ს მე-12 ტურში თორნიკე შენგელიას „ვირტუსმა“ ბოლონიაში, საკუთარ მოედანზე „ვენეციასთან“ წააგო. მატჩის ბედი ოვერტაიმში გადაწყდა – სტუმრებმა 85:84 გაიმარჯვეს.
საქართველოს ნაკრების კაპიტანმა 33 წუთში 13 ქულა, 6 მოხსნა და 5 პასი დააგროვა.
„ვირტუსმა“ სერია A-ში ზედიზედ მეორედ წააგო, რის შედეგადაც 8 გამარჯვებით და 4 მარცხით სატურნირო ცხრილში მეოთხე პოზიციამდე ჩამოქვეითდა, მომდევნო ტურში კი 23 დეკემბერს, „პისტოიას“ ესტუმრება.