აზაროვმა და გოჩოლეიშვილმა ჩემპიონთა ლიგაში პირველად გაიმარჯვეს

დონეცკის „შახტარნა“, რომელშიც გიორგი გოჩოლეიშვილი და ირაკლი აზაროვი გამოდიან, მიმდინარე სეზონში ჩემპიონთა ლიგის ჯგუფურ ეტაპზე პირველი მატჩი მოიგო.
დონეცკელები გასვლაზე ბელგიის „ანტვერპენს“ შეხვდნენ და მიუხედავად იმისა, რომ 0:2 აგებდნენ, სახლში მაინც 3 ქულით დაბრუნდნენ.
საქართველოს ეროვნული ნაკრების ფლანგელებიდან აზაროვმა შეუცვლელად ითამაშა, ხოლო გოჩოლეიშვილმა ორი ტაიმი თადარიგში გაატარა.
მასპინძლები მე-3 წუთზე მუჯამ დააწინაურა, ხოლო 34-ე წუთზე ბალიკშვამ მასპინძლების უპირატესობა ორამდე გაზარდა.
48-ე წუთზე აზაროვმა კარგი პასით მეტოქის საჯარიმოში ნაზარინა მოძებნა, რომლის დარტყმის შემდეგ „ანტვერპენის“ მეკარემ ბურთი ცუდად მოიგერია, ხოლო სიკანმა თავით გაიტანა. 71-ე წუთზე რაკიცკიმ ანგარიში გაათანაბრა, 76-ეზე კი სიკანმა უკრაინელები დააწინაურა. ძირითადი დროსთვის დამატებულ მე-7 წუთზე ბელგიის ეროვნული ნაკრების მცველმა ტობი ალდერვეირელდმა პენალტი ვერ გამოიყენა და „შახტარმა“ 3 ქულა აიღო.
H ჯგუფში „შახტარი“ 3 ქულით მესამეა, ხოლო ლიდერი 6 ქულით „ბარსელონაა“, რომელმაც სტუმრად „პორტუ“ 1:0 დაამარცხა.
ლაშა თაბაგარი