ბუდუ ზივზივაძემ „ფეჰერვარის“ მაისურით უეფას კონფერენს ლიგაში თავისი პირველი გოლი გაიტანა.
უნგრულმა გუნდმა კონფერენს ლიგის მეორე საკვალიფიკაციო ეტაპზე აზერბაიჯანის „გაბალას“ უმასპინძლა და 4:1 დაამარცხა.
ზივზივაძე სასტარტო შემადგენლობაში არ იყო და თამაშში 64-ე წუთზე ჩაერთო, როდესაც ანგარიში 1:1 იყო. 90-ე წუთზე საქართველოს ეროვნული ნაკრების თავდამსხმელი მეტოქის ნახევარზე ერთ აზერბაიჯანელ მცველს ეფექტურად გაცდა და საჯარიმოში შეჭრილმა საბოლოო წერტილი დასვა.
ამ გუნდებს შორის საპასუხო შეხვედრა გაბალაში 28 ივლისს ჩატარდება.
