ქეცბაიას გუნდმა გამარჯვება ხელიდან გაუშვა, ოქრიაშვილმა შინ მოიგო

თემურ ქეცბაიას გაწვრთნილმა „ანორთოსისმა“ კვიპროსის ჩემპიონატში ბოლო ოთხი მატჩიდან ფრედ მესამე დაასრულეს.
ფამაგუსტელები „არისს“ სტუმრად შეხვდნენ და ქულა შეხვედრის მიწურულს დაკარგეს. „ანორთოსისი“ 53-ე წუთზე სომეხმა ლეგიონერმა ამბარცუმიანმა დააწინაურა. 89-ე წუთზე „არისმა“ ანგარიში ბოგნარის დარტყმის შემდეგ გაათანაბრა. სტუმრებში საქართველოს ეროვნული ნაკრების მეკარე გიორგი ლორიამ შეუცვლელად ითამაშა. აღსანიშნავია, რომ მასპინძლებს მე-11 წუთიდან კაცნაკლული თამაშობდნენ, რადგან უკრაინელი თავდამსხმელი კვაშუკი გააძევეს. „ანორთოსისს“ 44 ქულა აქვს და მეოთხე პოზიციაზეა.
აპოელმა „პაფოსი“ მიიღო და 2:1 გაიმარჯვა. მასპინძლების ქართველი ლეგიონერებიდან სასტარტო შემადგენლობაში მხოლოდ თორნიკე ოქრიაშვილი იყო, რომელმაც მე-4 წუთზე ყვითელი ბარათი მიიღო, ხოლო მე-80 წუთზე შეცვალეს. საქართველოს ნაკრების კიდევ ორი წევრი – ფორვარდი გიორგი ქვილითაია და ნახევარმცველი ბუბა დაუშვილი განაცხადში ტრავმების გამო არ იყვნენ. აპოელი 47 ქულით კვიპროსის ჩემპიონატის ზედა ექვსეულში მე-2 ადგილზეა.