“ელ კლასიკო” მესის გარეშე! ლეო ხელის მოტეხილობის გამო 3 კვირას გამოტოვებს

0
54

ესპანეთის ლა ლიგის მე-9 ტურში “ბარსელონამ” “სევილიას” უმასპინძლა და 4:2 დაამარცხა.
საწყის 25 წუთში მესიმ საგოლე გადაცემა შეასრულა და გოლის გატანაც შეძლო, რის შემდეგაც ხელი დაიზიანა და 26-ე წუთზე მოედანი დატოვა.
ჩვეულებრივი სათამაშო ეპიზოდისას, შეჯახების დროს ლეო მოედანზე დაეცა და ხელზე ძალიან ცუდად დაეყრდნო.

პირველადი შემოწმების შედეგად დადგინდა, რომ მესის ხელი აქვს მოტეხილი და ის მოედანზე 3 კვირის განმავლობაში ვერ გავა.
ეს ყველაფერი იმას ნიშნავს, რომ ლეოს შემდეგი მატჩები გაუცდება: “ინტერთან” (შინ), “რეალთან” (შინ), “რაიო ვალეკანოსთან” (სტუმრად), “ინტერთან” სტუმრად.
წინასწარი ვარაუდით, მესი მოედანს 11 ნოემბერს “კამპ ნოუზე” “ბეტისთან” გასამართ შეხვედრაში უნდა დაუბრუნდეს. ამის შემდეგ კი სანაკრებო პაუზა იქნება და საკლუბო სეზონი 24 ნოემბერს “ატლეტიკოსთან” გასვლითი შეხვედრით გაგრძელდება.