რევაზ ინჯგიამ „აპოლონის“ შემადგენლობაში თავისი პირველი გოლი გაიტანა.
კვიპროსის თასის 1/16-ფინალში „აპოლონმა“ შინ „ოლიმპიადა“ 3:1 დაამარცხა.
მასპინძლების სასტარტო შემადგენლობაში გიორგი პაპუნაშვილი და ინჯგია მოხვდნენ.
პირველმა მათგანმა შეუცვლელად ითამაშა, ხოლო მეორე 73-ე წუთზე შეცვალეს, მაგრამ მანამდე 61-ე წუთზე მეტოქის კარი აიღო.
მის მიერ გატანილი გოლი განვლილ შეხვედრაში საბოლოო აღმოჩნდა.
ინჯგია „აპოლონს“ მიმდინარე სეზონის დაწყებამდე შეურთდა და კვიპროსის ჩემპიონატში ერთხელ ითამაშა.
