არგენტინის ფეხბურთელტა ეროვნული გუნდი ბრაზილიაში მიმდინარე სამხრეთ ამერიკის ჩემპიონატის ნახევარფინალში გავიდა.
ქალაქ გოიასის პედრო ლუდოვიკო ტეიშეირას სახელობის სტადიონზე გამართულ შეხვედრაში არგენტინელებმა ეკვადორელებს სამი უპასუხო გოლი გაუტანეს.
მატჩის მე-40 წუთზე არგენტინელთა კაპიტნის ლიონელ მესის გადაცემის შემდეგ დე პაულმა ანგარიში გახსნა და პირველ ტაიმში მეტი გოლი არ გასულა.
84-ე წუთზე, მესიმ მეორე საგოლე პასი შეასრულა, რომელიც ლაუტარო მარტინესმა გამოიყენა.
ძირითადი დროსთვის დამატებულ მე-3 წუთზე მესიმ შეხვედრაში საბოლო წერტილი დასვა. მან სანაკრებო კარიერაში 76-ე გოლი გაიტანა და ეროვნული გუნდების ყველა დროის საუკეთესო ბომბარდირებში მე-8 ადგილზეა.
არგენტინა კოპა ამერიკის ნახევარფინალში კოლუმბიას შეხვდება, რომელმაც პენალტების სერიაში ურუგვაის 4:2 აჯობა (მატჩის ძირითადი დრო უგოლოდ დასრულდა).
მეორე ნახევარფინალში ერთმანეთს ბრაზილია და პერუ დაუპირისპირდებიან.
