ჩაკვეტაძის საიუბილეო მატჩი და სამი ქულა

„უოტფორდმა“, რომელშიც გიორგი ჩაკვეტაძე გამოდის, ინგლისის ჩემპიონშიფში ზედიზედ ორი მატჩის წაგების შემდეგ, სამი ქულა „ბლექბერნთან“ საშინაო მატჩში აიღო.
საქართველოს ეროვნული ნაკრების შემტევმა ნახევარმცველმა, რომელიც ინგლისური გუნდის ერთ-ერთი ლიდერია, ისევ შეუცვლელად ითამაშა და 49-ე წუთზე ყვითელი ბარათი მიიღო. მისთვის განვლილი თამაში „უოტფროდის“ შემადგენლობაში 50-ე აღმოჩნდა.
მასპინძლებიდან ერთადერთი გამარჯვების გოლი 71-ე წუთზე კაიემბამ პენალტიდან გაიტანა. „უოტფროდს“ 12 ტურის შემდეგ 19 ქულა აქვს და 24 გუნდში მე-7 ადგილზეა.
ლაშა თაბაგარი