“მარგვეთმა” თსუ-სთან სერიაში ანგარიში გაათანაბრა

მარგვეთმა დაამტკიცა, რომ რეგულარული ჩემპიონატის გამარჯვებულ ოლიმპს მეოთხედფინალურ სeრიაში შემთხვევით არ მოუგო. სერიაში მოგება შემთხვევით არც ხდება, თუმცა ნიკოლოზ ჩერქეზიშვილის გუნდს რომ პოტენციალი გააჩნია, სეზონის მანძილზე არაერთხელ დაამტკიცა და კიდევ ერთი ხმაურიანი გამარჯვება მარგვეთმა 7 მაისს, სუპერლიგის ნახევარფინალური სერიის მეორე მატჩში მოიპოვა.
მომდევნო მატჩში მარგვეთმა ერთ-ერთი ლეგიონერი, გუნდის ბომბარდირი, რონი როზიე მოისაკლისა, ხოლო გუნდის კიდევ ერთმა ლიდერმა, ოთარ ბულიავამ თამაშის დასრულებამდე 6 წუთით წუთით ადრე, როცა ქულა-ქულაში თამაში მიდიოდა, ფეხის ტრავმა მიიღო და მოედანი დატოვა.
ბოლო წუთზე ორივე გუნდმა უხვად ესროლა საჯარიმოები, რაშიც მარგვეთის კალათბურთელები 100-პროცენტიანები გამოდგნენ და გაიმარჯვეს კიდეც. თსუ-ს ბოლო წამზე შანსი მიეცა, როცა მალკოლმ დრამრაითმა მეორე საჯარიმო ააცილა, ბურთი ცინცაძემ მოხსნა, ჯიმონ ჰენსონს გადააწoდა, თუმცა ამ უკანასკნელმა გამარჯვების სამქულიანი გააცუდა.
მარგვეთმა 95:93  იმარჯვა და სერია გაათანაბრა – 1:1.
გამარჯვებულთაგან მარქუს გილსონი 21 ქულით, 10 მოხსნითა და 5 პასით გამოირჩა. 18 ქულა, 7 მოხსნა და 6 პას შეუცვლელად მოთამაშე ზაკ უოლტონმა მიითვალა, ნიკა ჩეჩელაშვილის ანგარიშზე 22 ქულა, 8 მოხსნა და 6 პასი დაგროვდა. თსუ-ში საუკეთესო შედეგი, წინა მატჩის მსგავსად, გიორგი ცინცაძემ დააფიქსირა: 17 ქულა, 9 პასი, 5 მოხსნა და 4 ჩაჭრა.
სერიის მესამე მატჩი 10 მაისს, 19:00 საათზე გაიმართება.