რატი ანდრონიკაშვილი NCAA-დან მიდის და კარიერას პროფესიონალურ დონეზე ევროპაში გააგრძელებს, – ამის შესახებ კალათბურთელმა ამერიკის სტუდენტური ლიგის გუნდს „კრეიტონს“ აუწყა.
ქართველმა მცველმა „ბლუჯეისის“ მაისურით 2021/22 წლების სეზონში 33 შეხვედრაში მიიღო მონაწილეობა. მძიმე ტრავმის გამო რატის სადებიუტო, 2020/21 წლების სეზონის გამოტოვება მოუწია.
„ვაფასებთ რატის წვლილს ჩვენს პროგრამაში და წარმატებებს ვუსურვებთ მას მომავალ კარიერაში“, – განაცხადა გუნდის მთავარმა მწვრთნელმა გრეგ მაკდერმოტმა.
