დალიჩი არაბეთის გაერთიანებული საამიროების ნაკრებს გაწვრთნის

ხორვატიის ეროვნული გუნდის ყოფილი თავკაცი ზლატკო დალიჩი არაბეთის გაერთიანებული საამიროების ნაკრებს გაწვრთნის. მან რუმინელი კოსმინ ოლეროიუ შეცვალა.
დალიჩი ხორვატიის ნაკრებიდან მსოფლიო 2026 წლის ჩემპიონატის დასრულების შემდეგ წავიდა. განვლილ მუნდიალზე ბალკანელები 1/16-ფინალში პორტუგალიასთან 1:2 დამარცხდნენ.
59 წლის სპეციალისტი ხორვატებს 2017 წლიდან ავარჯიშებდა. მისი ხელმძღვანელობით გუნდი 2018 წელს რუსეთში ჩატარებულ მსოფლიო ჩემპიონატის ფინალში გავიდა, სადაც ფრანგებთან დამარცხდა, ხოლო 2022 წელს კატარის მუნდიალზე მე-3 ადგილი დაიკავა. 2023 წელს ხორვატიამ უეფას ერთა ლიგის ფინალი წააგო.
ეროვნულ გუნდში დანიშვნამდე დალიჩი „ვარტეკს“, „რიეკას“, ტირანას „დინამოს“, „სლავენ ბელუპოს“, „ალ ფაისალის“, „ალ ჰილალს“ და „ალ აინს“ ავარჯიშებდა.
ლაშა თაბაგარი