“იბერიას” სავარაუდო მეტოქეები მეორე ეტაპზე ცნობილია

უეფას ჩემპიონთა ლიგის პირველ საკვალიფიკაციო ეტაპზე თბილისის “იბერია” შვედეთის “მალმიოს” ბარიერის გადალახვის შემთხვევაში, მეორე საკვალიფიკაციო ეტაპზე ტალინის “ლევადიას” და ლატვიის “რიგასს” შორის გამარჯვებულს შეხვდება.ეს დღეს შვეიცარიის ქალაქ ნიონში უეფას შტაბ-ბინაში გამართულ კენჭისყრაზე გაირკვა. ჩემპიონთა ლიგის მეორე საკვალიფიკაციო ეტაპის პირველი თამაშები 22-23 ივლისს შედგება, ხოლო საპასუხო – 29-30 ივლისს. “იბერია” მეორე საკვალიფიკაციო ეტაპზე გასვლის შემთხვევაში პირველ თამაშს სტუმრად გამართავს. თუ “იბერია” პირველ საკვალიფიკაციო ეტაპს ვერ დაძლევს, მაშინ კონფერენს ლიგის მე-2 საკვალიფიკაციო ეტაპზე გადაინაცვლებს, სადაც “ლევადიას” და “რიგასს” შორის დამარცხებულს დაუპირისპირდება.
პირველი საკვალიფიკაციო ეტაპის პირველი მატჩები 8-9 ივლისს ჩატარდება, ხოლო საპასუხო – 15-16 ივლისს. თბილისელები პირველ შეხვედრას შინ გამართავენ.
თუ “იბერია” პირველ საკვალიფიკაციო ეტაპს გამოეთიშება, მაშინ კონფერენს ლიგის მე-2 საკვალიფიკაციო რაუნდში ითამაშებს.
ცნობისთვის, “მალმიომ” შვედეთის ჩემპიონატი 24-ჯერ მოიგო რაც რეკორდია, ხოლო თასს 16-ჯერ დაეუფლა, რაც ასევე საუკეთესო მაჩვენებელია. გარდა ამისა, შვედეთის სუპერთასი 2-ჯერ აიღო. “მალმიო” 1978-1979 წლების სეზონში ჩემპიონთა ლიგის/ჩემპიონთა თასის ფინალში გავიდა, სადაც ინგლისის “ნოტინგემ ფორესტთან” 0:1 წააგო.